Transcription
Les mots surlignés font l'objet d'une note
1 [Brouillon de lettre au roi][s]
2 Sire, depuis ma dernière despeche du XIIe, il est survenu chose en ce pays
3 dequoy je suys bien marry quil vous faille advertir, quest que ayant esté la ville
4 de Serre surprinse par voz rebelles par le moyen de quelzques catholisez [barré : Monsieur
5 d'Ambrun qui commande aux montaignes avec layde des] les sieurs de Gargas et de Laborel
6 se seroient esforcez [barré : dadvictualler ceux qui sestoient sauvés] de mectre vivres dans le chasteau se que ayant
7 faict dune partie [barré : des vivres] et bien petite [barré : des vivres] quilz y auroient conduict
8 et ranforcé des quelzques hommes [barré : les voulant readvictualler] voulant encores porter pour le besoing [barré : où ilz]
9 et necessité où [ilz] en estoient les assiegez et y conduisant une bonne trouppe auroient eu rancontre
10 desdits rebelles qui les ont chargez et mys en routte, tellement quil [barré : y] en est demeuré
11 sur le champ bien soixante ou quatre vingtz et quelzques ungs des leurs; et ceulx
12 dudit chasteau ont esté contrainctz se rendre [barré : à leur main dont aucuns sont prisonniers]
13 par composition à bagues sauves
14
15 [brouillon de lettre à Catherine de Médicis]
16 Madame, il me desplaist bien de [barré : donner] vous donner telles nouvelles que de la
17 perte du chateau de Serre, après que la surprinse auroyt est faicte de la ville par
18 le moyen des catholisez pour navoir peu [barré : advictualler] porter vivres à ceulx qui estoyent
19 dans ledit chateau [barré : que] ont esté contrainctz se rendre par composition ainsi que
20 plus amplement il plaira à votre magesté veoir par la lettre que jejscriz au roy.